Sergei Lavrov ka paralajmëruar se Bashkimi Evropian “po militarizohet me një shkallë rekord” dhe se ka “shumë pak” dallime midis BE-së dhe NATO-s.
Ministri i Jashtëm rus i bëri komentet në një konferencë shtypi të kësaj jave, kur iu referua një deklarate të nënshkruar së fundmi, ku sipas tij thuhet se “NATO do të garantojë sigurinë e 27 vendeve në BE”.
Ndërsa NATO thotë se nuk përbën kërcënim për Rusinë, Presidenti Vladimir Putin është ankuar prej kohësh për zgjerimin e NATO-s dhe pjesërisht e ka përdorur këtë si një justifikim për pushtimin e Ukrainës shkurtin e kaluar.
Lavrov tha se Rusisë i ishte premtuar në disa raste se NATO nuk do të zgjerohej, por tha se “ato ishin gënjeshtra”.
Finlanda u bashkua me NATO-n në fillim të këtij muaji, duke dyfishuar kufirin e aleancës ushtarake me Rusinë.
Në përgjigje, Kremlini tha se mund të detyrohet të marrë “kundërmasa” për të garantuar sigurinë e kufirit të tij si përgjigje./UBTNews/