Agjencia Evropiane e Barnave (EMA) nuk i dha ‘dritën jeshile’ miratimit të një ilaçi për sëmundjen e Alzheimerit në Bashkimin Evropian.
Aducanumab nuk është efektiv në trajtimin e të rriturve me simptoma të fazës së hershme, tha EMA.
Organizatat thonë se janë të zhgënjyer nga vendimi sepse mijëra njerëz nuk kanë asnjë mundësi trajtimi.
Ilaçi në mënyrë të diskutueshme u miratua për herë të parë në Shtetet e Bashkuara të Amerikës në muajin qershor. Në atë kohë, shumë shkencëtarë thanë se kishte pak shpresë nga provat se ishte efektive, pavarësisht se synonte amiloidin – një proteinë që formon grumbuj anormalë në trurin e njerëzve me Alzheimer.
Nuk dihet nëse kompania do të bëjë kërkesë për miratim në rregullatorin e Mbretërisë së Bashkuar./UBTNews