Bashkimi Evropian ktheu ambasadorin e saj në kryeqytetin e Ukrainës, në Kiev, në një lëvizje që nënvizon situatën e përmirësuar të sigurisë atje dhe angazhimin e bllokut 27-vendesh ndaj vendit të rrethuar.
Shefi i politikës së jashtme të BE-së, Josep Borrell e bëri njoftimin të premten gjatë një vizite në Kiev, në të cilën iu bashkua presidentes së Komisionit Evropian, Ursula von der Leyen për bisedime me presidentin ukrainas Volodymyr Zelenskyy.
Borrell tha se kthimi i ambasadorit do të ndihmojë që BE-ja dhe qeveria e Ukrainës mund të punojnë së bashku më drejtpërdrejt dhe ngushtë.
Forcat ruse kërkuan të hynin në Kiev pas pushtimit të Ukrainës më 24 shkurt, por megjithë humbjet, qyteti u rezistoi sulmeve dhe qeveria ishte në gjendje të vazhdonte funksionimin prej andej./UBTNews/