Bashkimi Evropian nuk do të kërkojë më maskat në fluturime dhe aeroporte nga java e ardhshme, tha të mërkurën agjencia e saj e sigurisë së aviacionit, pasi u lehtësuan masat antiCOVID.
“Agjencia Evropiane e Sigurisë së Aviacionit (EASA) dhe Qendra Evropiane për Parandalimin dhe Kontrollin e Sëmundjeve (ECDC) lëshuan një përditësim të masave të sigurisë shëndetësore për udhëtimet ajrore, duke hequr kufizimet për mbajtjen e detyrueshme të maskave mjekësore në aeroporte dhe në bordet e fluturimeve”, tha mes tjerash EASA me bazë në Gjermani përmes një deklarate./UBTNews/