Të paktën 12 persona janë lënduar në territorin e La Réunion, ndërsa cikloni tropikal Batsirai përshkoi ishullin, duke e goditur atë me shira të rrëmbyeshëm dhe erëra të fuqishme dhe duke i lënë të gjithë banorët të mbyllur në shtëpitë e tyre.
Ishulli ishte nën alarm të kuq që nga e mërkura, duke detyruar 860,000 banorët e tij të barrikadohen brenda.
“Më e keqja nuk ka mbaruar”, tha prefekti i La Reunion, Jacques Billant, duke paralajmëruar se ishulli do të goditet nga reshje të dendura ndërsa stuhia do të pushojë.
Nga të plagosurit, 10 “patën helmim nga monoksidi i karbonit”, një zjarrfikës u “elektrizua” duke ndihmuar të shuajë një zjarr në çati dhe një tjetër u plagos pas “një rënie nga çatia”, tha ai në një konferencë për shtyp.
Agjencia e motit Meteo-France konfirmoi për AFP të enjten se cikloni do të godiste më vonë se sa pritej “gjatë mëngjesit” të së enjtes, pasi ishte ngadalësuar gjatë natës.
Paralajmërimi erdhi pasi cikloni la mijëra shtëpi, pa energji në Mauritius gjatë së mërkures, por kaloi ishullin pa shkaktuar dëme të mëdha pavarësisht nga erërat e ciklonit.
Stuhia tropikale Ana mori jetën e 86 njerëzve në Mozambik, Madagaskar dhe Malavi javën e kaluar./UBTNews/