Banka Botërore ka miratuar një pako financimi urgjent prej 723 milionë dollarësh të kredive dhe granteve për Ukrainën ndërsa vendi po mbrohet kundër pushtimit rus, përcjell UBT news.
Pako përfshin një shtesë kredie prej 350 milionë dollarësh. Banka premtoi gjithashtu se do të punonte në krijimin e një pako tjetër mbështetjeje prej 3 miliardë dollarësh për Ukrainën, e cila do të shtrihet “në muajt e ardhshëm”.
Në deklaratën e saj, ajo tha se do të ofronte mbështetje shtesë për fqinjët e Ukrainës pasi ata pranojnë më shumë se 1.7 milionë refugjatë.
“Grupi i Bankës Botërore qëndron me popullin e Ukrainës dhe rajonit”, tha Presidenti i Bankës Botërore, David Malpass në deklaratë, duke shtuar se “ky është i pari nga shumë hapat që ne po ndërmarrim për të ndihmuar”./UBTNews/