Autoritetet indiane nisën hetimet mbi vdekjen e biznismenit rus, Pavel Antov, i cili dyshohet se ra nga dritarja e dhomës së gjumit nga një hotel luksoz në shtetin Odisha.
Vdekja e tij ndodhi vetëm dy ditë pasi një nga shoqëruesit e tij në udhëtim, Vladimir Bidenov, 61 vjeç, u gjet pa ndjenja në hotelin në Rayagada pas një sulmi në zemër.
Policia vendase ka nisur të marrë në pyetje dëshmitarët e mundshëm dhe po shqyrton pamjet e kamerave të sigurisë, por ka deklaruar se deri më tani nuk ka prova për rrethana të dyshimta.
“Të gjitha këndvështrimet e mundshme në lidhje me vdekjen e dy shtetasve rusë janë duke u verifikuar”, tha për AFP shefi i policisë rajonale, Rajesh Pandit./UBTNews/