Australia ka vendosur sanksione ndaj presidentit bjellorus, Alexander Lukashenko dhe familjes së tij, si dhe ndaj 22 “propagandistëve rusë”, njoftoi Ministria e Jashtme të premten.
Ministrja e Jashtme, Marise Payne tha në një deklaratë se qeveria bjelloruse ka ofruar “mbështetje strategjike” për Rusinë duke ofruar baza për të trajnuar forcat ushtarake, për të gjuajtur raketa, për të lehtësuar transportin e trupave ruse dhe armëve të rënda në Ukrainë “në sulmin e tyre ndaj sovranitetit dhe integritetit territorial të Ukrainës”.
Ajo njoftoi se sanksionet e vendosura ndaj Rusisë do të vazhdojnë të kenë në shënjestër “propagandistët dhe operativët e dezinformimit” duke përfshirë redaktorë nga organizata të tilla si Russia Today, Strategic Culture Foundation, InfoRos dhe NewsFront./UBTNews/