Administrata Tatimore e Kosovës vlerëson se ka pasur një performancë të shkëlqyer, pasi ka arritur të ketë mbi gjysmë miliardi të hyra tatimore për tetë muaj.
ATK-ja thotë se kjo shifër është rritur për 92 milionë euro krahasuar me periudhën e njëjtë 2022-2023.
“Administrata Tatimore e Kosovës ka pasur një performancë të shkëlqyeshme në mbledhjen e të hyrave gjatë periudhës janar-gusht 2023, ku janë mbledhur 579.2 milionë euro, e që në krahasim mes periudhave të njëjta 2022-2023 kemi rritje për 92 milionë euro. Këto rezultatet pozitive tregojnë një përmirësim të qëndrueshëm të punës së këtij institucioni kyç për të hyrat shtetërore”, thuhet në njoftim.