Një avokate e njohur iraniane për të drejtat e njeriut i ka thënë CNN-it se pavarësisht se goditja brutale shtetërore ka arritur të qetësojë situatën pas protestave që pushtuan vendin për muaj të tërë, shumë iranianë ende duan ndryshimin e regjimit.
Në një intervistë ekskluzive të mërkurën nga shtëpia e saj në Teheran, Nasrin Sotoudeh tha se “situata është shtensionuar disi, por kjo nuk do të thotë se njerëzit nuk janë më të zemëruar… ata vazhdimisht duan dhe ende duan ndryshim regjimi. Ata duan referendum”.
Sotoudeh, e njohur në mbarë botën për mbrojtjen e të drejtave të grave, fëmijëve dhe aktivistëve në Iran, aktualisht është në pushim mjekësor nga burgu, pasi u dënua me 38 vjet burg dhe 148 kamxhik në mars të vitit 2019.
Autoritetet shtypën me dhunë lëvizjen disamujore, e cila kishte paraqitur një nga kërcënimet më të mëdha të brendshme për regjimin klerik në pushtet të Iranit në më shumë se një dekadë./UBTNews/