Producenti i njohur amerikan Harvey Weinstein ka kërkuar falje pasi u kap me një kuti Milk Duds në një burg në Los Angeles, që është kundër rregullave të burgut.
“Ky ishte një keqkuptim i pafajshëm,” i tha Weinstein, 69 vjeç, TMZ në një deklaratë të enjten përmes përfaqësuesit të tij Juda Engelmayer. “Nuk do të ndodhë më. Unë kam qenë një i burgosur model, duke ndjekur rregullat dhe më vjen sinqerisht keq”.
Rojet e burgut të kontesë së Los Angeles zbuluan se përdhunuesi i dënuar kishte në posedim karamele pas një takimi në nëntor me avokatin e tij Shawn Burkley, thanë burimet për gazetën.
Producenti i turpëruar i filmit u tha autoriteteve se ai kishte marrë karamele me vete korrikun e kaluar gjatë ekstradimit të tij nga New York-u në Los Angeles, ndërsa autoritetet dyshojnë se ai mund të ishte pajisur me Milk Duds nga një anëtar i ekipit të tij ligjor.
Mark Werksman, një avokat i Weinstein, tha se nuk u ndërmorën asnjë veprim ndëshkues kundër Weinstein nga zyrtarët e gjykatës ose burgut.
Avokatët e tij kryesorë Werksman dhe Alan Jackson i thanë Variety: “Ne jemi informuar për këtë dhe na vjen shumë keq që ndodhi. Nuk kishte ndodhur më parë dhe nuk kishte ndodhur kurrë që atëherë. Harvey ka qenë një i burgosur model dhe synon të vazhdojë si i tillë”.
Weinstein korrikun e kaluar u ekstradua në Los Angeles në lidhje me rastin e tij të sulmit seksual, pasi ai përballet me 11 akuza bazuar në pretendimet e pesë grave. Ai është deklaruar i pafajshëm për akuzat në këtë rast.
Ai u dënua me 23 vjet burg në New York në vitin 2020 në lidhje me dënimet për përdhunim të shkallës së tretë në vitin 2013 dhe kryerjen e seksit oral me forcë në vitin 2006./prive.al