Policia e Kosovës ka arrestuar një person në Fushë Kosovë, i cili dyshohet se ka kryer disa raste të vjedhjeve të rënda. Rastet kanë ndodhur në lokacione dhe periudha të ndryshme kohore, në të gjithë territorin e Kosovës.
“Puna e hetuesve të stacionit policor të Fushë Kosovës, është finalizuar mbrëmë, ku pas marrjes së disa veprimeve operative, kanë arritur që të arrestojnë personin e dyshuar:M.M. mashkull, 37-vjeç, shtetas i Republikës së Kosovës”, thuhet në njoftimin e PK-së.
I dyshuari është dërguar në mbajtje./UBTNews/