Policia e Kosovës ka arrestuar dje tre persona në Pejë, nën dyshimin se kanë kryer një grabitje në Vitomiricë të Pejës.
“Të dyshuarit me inicialet F.O. (1985), F.R. (1995) dhe O.H. (1999), më 8 janar 2020, rreth orës 01:00, në një pompë të derivateve, nën kërcënimin e armëve dhe të maskuar, kanë grabitur një sasi të parave dhe një telefon personal. Ata gjatë grabitjes e kanë goditur personin që ndodhej në zyrën e pompës së derivateve, duke i shkaktuar lëndime dhe të njëjtit më pas janë larguar në drejtim të panjohur”, njofton PK-ja.
Më tej bëhet e ditur se personi i katër i dyshuar në lidhje me rastin gjendet në arrati, kurse tre të dyshuarit tjerë janë ndaluar për 48 orë./UBTNews