Policia e Kosovës, përkatësisht Drejtoria për Hetimin e Trafikimit me Qenie Njerëzore, në bashkëpunim me Prokurorinë Themelore në Pejë, ka arrestuar dy persona të dyshuar për kryerje të veprës penale trafikim me njerëz, si dhe janë identifikuar dy viktima të trafikimit.
Më datën 18.10.2023, pas informacioneve të pranuara për dyshimet lidhur me kryerje të veprës penale trafikim me qenie njerëzore, Sektori Qendror i Hetimeve nga DHTQNj, në bashkëpunim dhe koordinim me prokurorinë, ka zhvilluar hetime intensive, ku janë arrestuar A. K. (1978), shtetas kosovar dhe R. K. (1991), shtetase e Shqipërisë, nën dyshimet se kanë kryer veprën trafikim me njerëz.
Lidhur me rastin me vendim të prokurorit kompetent, personat e dyshuar dërgohen në mbajtje, ndërsa viktimat e përfshira në rast u janë nënshtruar procedurave për trajtim të viktimave të trafikimit, thuhet në njoftimin e Policisë së Kosovës.