Rreth 130 anëtarë të një grupi kriminal janë arrestuar në një operacion të madh të policisë italiane kundër mafisë siciliane në Palermo, njoftoi agjencia Reuters. Operacioni i kryer të martën përfshiu një sërë akuzash të rënda, duke përfshirë trafikimin e drogës, vrasje në tentativë, shantazh, lojëra të paligjshme në internet dhe posedim të paligjshëm të armëve.
Grupi kriminal i arrestuar është pjesë e “Cosa Nostra”, mafias së njohur siciliane që ka terrorizuar Italinë gjatë viteve ’80 dhe ’90. Megjithatë, pas një periudhe dominimi, kjo organizatë ka humbur ndikimin për shkak të rritjes së mafies kalabreze, “Ndrangheta”. Hetimet kanë zbuluar se familjet mafioze të Palermos vazhdojnë të koordinonin aktivitetet e tyre kriminale në qytet dhe provincë, duke ruajtur struktura dhe praktika që datojnë nga periudha e lavdishme e “Cosa Nostra”. Ky operacion është një tjetër hap i rëndësishëm në luftën kundër mafies dhe krimeve të organizuara në Itali./UBTNews/
