Një gjykatë në Moskë i ka caktuar dy muaj arrest shtëpiak ish-redaktores së televizionit shtetëror rus, Marina Ovsyannikova, pas protestës së saj kundër luftës në Ukrainë, njoftoi gjykata të enjten përmes një deklarate.
Sipas deklaratës, Ovsyannikova është akuzuar për përhapjen e “lajmeve të rreme për ushtrinë ruse” dhe është në arrest shtëpiak deri më 9 tetor. Vepra penale dënohet me deri në 10 vjet burg nga ligji rus.
Ovsyannikova, e cila më parë ka punuar si redaktore në televizionin shtetëror rus Channel One, bëri bujë kur gjatë një transmetimi të drejtpërdrejt ajo hyri në studio dhe u shfaq pas një spikere lajmesh me një shenjë që thoshte: “JO LUFTË”./UBTNews/