Armenia dhe Azerbajxhani fajësuan të enjten njëra-tjetrën për një shkëmbim zjarri përgjatë kufirit të tyre të trazuar, i cili vrau një person dhe plagosi katër, ditë përpara bisedimeve të paqes të organizuara nga BE.
Udhëheqësit e të dy vendeve do të zhvillojnë bisedime në Bruksel të shtunën.
Të enjten, të dyja palët akuzuan njëra-tjetrën për të shtëna përgjatë kufirit të tyre.
“Një ushtar i ushtrisë Azerbajxhan u vra pas një provokimi nga forcat armene”, tha ministria e mbrojtjes e Azerbajxhanit, duke akuzuar Armeninë se “ka shkelur edhe një herë marrëveshjen e armëpushimit” me “armë të kalibrit të madh”. Armenia tha se katër nga ushtarët e saj u plagosën në përleshjet, për të cilat fajësoi Azerbajxhanin.
“Forcat azerbajxhane po qëllojnë me artileri dhe mortaja në pozicionin armen në rajonin e Sotk” në lindje, tha ministria e mbrojtjes e Armenisë.
Incidenti vjen vetëm disa ditë përpara se Presidenti i Këshillit Evropian, Charles Michel, të presë Nikol Pashinyanin e Armenisë dhe Ilham Aliyev të Azerbajxhanit për bisedime në Bruksel./UBTNews/