Aplikacioni NHS është shkarkuar mbi 30 milionë herë në Angli. Shumë njerëz e përdorin këtë aplikacion për të shprehur preferencat e tyre për dhurimin e organeve. Aplikacioni për pacientët e NHS në Angli u pilotua për herë të parë në vitin 2018.
Ndër të tjera, ai mund të përdoret për të bërë takime me mjekun e përgjithshëm, për përshkrime mjekësore dhe për të shkarkuar lejet e NHS Covid për udhëtime ndërkombëtare.
NHS tha se 448 mijë njerëz e kanë përdorur atë për të marrë vendime për dhurimin e organeve midis shtatorit të vitit 2021 dhe gushtit të vitit 2022. Kjo është një rritje prej 69% në krahasim me 12 muajt e mëparshëm, kur ishin regjistruar 265 mijë njerëz.
Numri i shkarkimeve të aplikacionit tani është i barabartë me më shumë se gjysmën e popullsisë së Anglisë./UBTNews/