Imazhet satelitore tregojnë se një anije ruse me drithëra, që dyshohet se janë vjedhur nga fermat ukrainase ka mbërritur në portin sirian të Latakisë.
Imazhet e reja — të ofruara nga Maxar Technologies — treguan transportuesin me shumicë Matros Pozynich në Latakia më 27 maj.
Është një nga tri anijet që kanë ngarkuar grurë në portin e Krimesë të Sevastopolit që nga pushtimi rus i Ukrainës. Për herë të fundit u pa në Sevastopol më 19 maj dhe më pas u gjurmua duke kaluar tranzit në ngushticën e Bosforit dhe në jug përgjatë bregdetit turk. Është vlerësuar se anija mund të transportojë rreth 30 mijë ton drithë. Edhe një anije tjetër e Matros Pozynich dyshohet se ka vjedhur drithëra në Sevastopol në dy javët e fundit.
Vjedhet e tilla po kërcënojnë të korrat e këtij viti në Ukrainë – që është prodhuesi më i madh i drithërave në botë.
Për Rusinë, gruri është një mall tërheqës. Çmimi i grurit është rreth 400 dollarë për ton në tregjet botërore dhe është rritur ndjeshëm këtë vit./UBTNews/