Kancelarja gjermane, Angela Merkel, nesër do ta marrë dozën e parë të vaksinës AstraZeneca – pavarësisht se ky shtet ka limituar përdorimin e kësaj vaksine pas raporteve për mpiksje të gjakut.
66-vjeçarja është një nga personat e profilit të lartë që do ta marrë vaksinën antiCOVID-19, vaksinë e cila është ndaluar për përdorim në disa vende për shkak të mpiksjes së gjakut.
Merkel ka të drejtë ta marrë vaksinën AstraZeneca sepse ajo është 66-vjeçare, meqë kjo vaksinë është e ndaluar për personat nën moshën 60-vjeç në Gjermani.
Presidenti i Gjermanisë, Frank-Walter Steinmeier e mori vaksinën në fillim të muajit./UBTNews