Anëtarët e aleancës ushtarake perëndimore kanë arritur një marrëveshje paraprake për t’i kërkuar sekretarit të përgjithshëm Jens Stoltenberg të qëndrojë në këtë rol edhe për një vit, sipas një zyrtari amerikan të cituar nga agjencia e lajmeve AP.
Zyrtari tha se vendimi duhet ende të finalizohet nga anëtarët e aleancës.
Stoltenberg, një ish-kryeministër norvegjez, ka qenë në këtë rol që nga viti 2014.
Mandati i tij do të përfundonte vitin e kaluar, por ai u zgjat për herë të dytë për të mbajtur një qëndrim më të fortë gjatë kohës së pushtimit rus të Ukrainës.
Zyrtari anonim tha se vendimi për t’i kërkuar zyrtarisht Stoltenbergut zgjatjen e mandatit të tij për një vit tjetër pritet të ndodhë relativisht shpejt./UBTNews/