Amnesty International i ka drejtuar një letër shefit të Jashtëm të Bashkimit Evropian, Josep Borrell dhe Ministrave të Punëve të Jashtme të BE-së, duke u kërkuar të bëjnë thirrje për armëpushim të menjëhershëm dhe të ushtrojnë presion publik ndaj Izraelit për të hequr menjëherë bllokadën e paligjshme ndaj Rripit të Gazës.
“Ne jemi të tmerruar nga përmasat e të drejtave të njeriut dhe krizës humanitare të krijuar nga njeriu në Gaza”, thuhet mes tjerash në letër.
“Ne ndajmë pikëpamjen e 153 shteteve dhe shumicës së organeve të OKB-së se armëpushimi është mënyra e vetme për të shpëtuar jetë, për të adresuar krizën humanitare dhe për të lehtësuar kthimin e pengjeve civile që aktualisht mbahen në Rripin e Gazës”, thuhet tutje./UBTNews/