Amnesty International të hënën akuzoi Rusinë për krime lufte në Ukrainë, duke thënë se sulmet në Kharkiv, shumica prej tyre me bomba thërrmuese të ndaluara sipas konventave ndërkombëtare, vranë qindra civilë.
“Bombardimet e përsëritura në lagjet e banuara në Kharkiv janë sulme pa dallim që vranë dhe plagosën qindra civilë, dhe si të tilla përbëjnë krime lufte”, tha grupi i të drejtave në një raport për qytetin e dytë më të madh të Ukrainës.
“Përdorimi i vazhdueshëm i armëve të tilla shpërthyese në zonat e populluara civile, duke ditur se ato po shkaktojnë vazhdimisht një numër të madh viktimash civile, madje mund të çojë në drejtimin e sulmeve kundër popullatës civile“, thuhet më tej në raport.
Bomba dhe mina tokësore
Amnesty tha se ka prova që në Kharkiv është përsëritur përdorimi i bombave thërmuese 9N210 dhe 9N235 dhe minave tokësore nga forcat ruse, të cilat janë të ndaluara nga konventat ndërkombëtare.
Bombat thërrmuese lëshojnë dhjetëra bomba ose granata në ajër, duke i shpërndarë ato pa dallim në qindra metra katrorë (jard).
Raporti i titulluar “Anyone Can Die At Any Time”, detajon se si forcat ruse filluan të synojnë zonat civile të Kharkiv në ditën e parë të pushtimit më 24 shkurt./UBTNews/