Korça Innovation and Technology Hub e menaxhuar nga UBT, si qendra më e madhe e inovacionit dhe teknologjisë në Shqipëri, po tërheq vëmendjen gjithnjë e më të madh jo vetëm të të rinjëve nga qyteti i bukur i Korçës dhe Shqipërisë por edhe të përfaqësuesve të lartë të Bashkimit Evropian në Tiranë.
Ambasadori i Bashkimit Evropian në Shqipëri, z.Luigi Soreca dhe Ambasadorja e Mbretërisë së Holandës, znj.Guusje Korthals Atles, në kuadër të Javës së Evropës, vizituan Korça Innovation and Technology Hub, ku u mirëpriten nga stafi i Hub-it dhe kreu i Bashkisë së Korçës, z. Sotiraq Filo.
Nën kujdesin e veçantë të kryetarit Filo, delegacioni u njoh me punën intensive që ky Hub po realizon në përputhje të mundësive bashkëkohore të tregut të punës e po ashtu u njoh edhe me aktivitetet e shumta përfshirë trajnimet intensive në Gjuhët e Programimit, Menaxhimin e Rrjeteve Sociale dhe profesioneve të reja drejt së ardhmes.
