Ambasadori gjerman në Kosovë, Jorn Rohde ka mirëpritur vendimin e Lidhjes Demokratike të Kosovës për të marrë pjesë në procesin e votimit të presidentit të Kosovës.
Rohde shpreson se të gjithë deputetët e zgjedhur do ta ndjekin shembullin e LDK-së dhe t’i vendosin nevojat e qytetarëve të Kosovës mbi ato politike.
“E lavdërueshme që LDK do të marrë pjesë në procesin zgjedhor për një president të ri. Shpresojmë që të gjithë deputetët e zgjedhur do të ndjekin këtë shembull dhe vendosin nevojat e qytetarëve të Kosovës mbi ato politike. Unë nuk mund ta imagjinoj mbajtjen e zgjedhjeve të reja në mes të valës së pandemisë”, ka shkruar Rohde në Twitter.
Commendable that LDK will participate in election process for a new president. Hopefully all elected MPs will follow and put the needs of Kosovo citizens above political partisanship. I can hardly imagine risking new elections in the midst of the currently raging pandemic wave
— Ambassador Jörn Rohde (@GermanAmbKOS) March 31, 2021
Lidhja Demokratike e Kosovës dje ka njoftuar se do të marrë pjesë në seancën ku do të votohet presidenti i ri i Kosovës./UBTNews