Amazon po lanson robotin Astro, roboti i parë shtëpiak, që ka teknologjinë e shtëpisë së mençur, Alexa.
Nga kompania thonë se roboti mund të programohet në rast se nuk jeni në shtëpi, për t’u kujdesur për kafshët, njerëzit apo edhe për sigurinë e shtëpisë. Madje mund të programohet edhe për t’iu dërguar njoftime pronarëve nëse ka diçka të pazakontë në shtëpi.
Nga Amazon thonë se ky robot është më tepër sesa “Alexa me rrotë”, dhe është programuar për një sërë lëvizjesh dhe shprehish.
Roboti që kushton afro 860 euro, mund t’i ndihmojë edhe të moshuarit. Ky robot do të dalë në shitje këtë vit, por fillimisht në Shtetet e Bashkuara të Amerikës./UBTNews