Bashkimi Evropian dhe Shtetet e Bashkuara kanë dënuar Korenë e Veriut “me termat më të fortë të mundshëm” për furnizimin e Rusisë me raketa balistike dhe mbështetjen e ofruar për luftën e Rusisë në Ukrainë.
“Transferimi i këtyre armëve rrit vuajtjet e popullit ukrainas dhe mbështet luftën e agresorit rus”, thanë mes tjerash aleatët perëndimorë.
Komunikata u bashkënënshkrua nga pothuajse 50 vende, përfshirë Japoninë, Korenë e Jugut, Argjentinën, Kanadanë, Australinë, Zelandën e Re, Norvegjinë dhe Mbretërinë e Bashkuar.
Dispozitat e pajisjeve vdekjeprurëse shkelin “në mënyrë flagrante” rezoluta të shumta të Këshillit të Sigurimit të Kombeve të Bashkuara “që vetë Rusia i mbështeti”, thanë ato. Rezolutat u miratuan si reagim ndaj programit bërthamor të Koresë së Veriut dhe vendosën një embargo të gjerë që ndalon eksportet dhe importet e armëve nga vendi./UBTNews/