Ka raportime në rritje të përdhunimeve dhe dhunës seksuale që përdoren kundër grave dhe fëmijëve në Ukrainë, tha të hënën drejtoresha ekzekutive e UN Women, duke shtuar se akuzat duhet të hetohen.
“Rreziku i trafikimit të qenieve njerëzore po rritet ndërsa situata bëhet më e dëshpëruar”, i tha Sima Bahous Këshillit të Sigurimit të OKB-së. “Gratë e reja dhe adoleshentët e pashoqëruar janë në një rrezik të veçantë”.
Bahous bëri thirrje për shtimin e burimeve për forcat policore në kufirin midis Moldavisë dhe Ukrainës “në mënyrë që ato të mund të sigurojnë mbështetje për viktimat e dhunës dhe trafikimit me bazë gjinore”./UBTNews/