Airbnb dhe të tjerët që merren me qiratë afatshkurtra të apartamenteve do të duhet t’u ofrojnë autoriteteve kombëtare të dhëna për numrin e përdoruesve të shërbimeve të tyre dhe sa net qëndrojnë në banesë me qira, sipas draft rregullave të Komisionit Evropian.
Të dhënat do të ruhen në një stacion digjital me hyrje të vetme në dispozicion të të gjitha organeve publike, raportojnë mediat britanike.
Propozimi, që do të shpallet nga ekzekutivi i BE-së javën e ardhshme, është pjesë e një përpjekjeje për t’u përballur me ligjet e ndryshme kombëtare në bllokun 27-vendesh që rregullojnë biznesin e Airbnb dhe kompanive të tjera që japin me qira apartamente për turistët.