Që nga 24 shkurti, kur Rusia pushtoi Ukrainën, mbi 2.2 milionë refugjatë kanë kaluar kufirin për në Poloni, tha Roja Kufitare polake të premten në mëngjes.
Roja SG shkroi në Twitter se të enjten oficerët e Gardës Kufitare kryen 32 mijë e 500 kontrolle kufitare për njerëzit që hynin në Poloni nga Ukraina, një rënie prej 7.4 për qind krahasuar me një ditë më parë.
Roja Kufitare tha gjithashtu se numri i mbërritjeve deri në orën 07:00 të mëngjesit të së premtes kishte arritur në 6 mijë e 900 persona, 1.7 për qind më shumë krahasuar me të enjten.
Ndërsa, mbi 123 mijë fëmijë refugjatë ukrainas janë regjistruar në shkollat polake që nga 24 shkurti, tha të premten një zyrtar qeveritar.
Marzena Machalek, zëvendësministre e Arsimit, i tha Radio Wroclaw se rreth 19 mijë nga fëmijët ishin të regjistruar në kopshte dhe 82 mijë në shkolla fillore. Ajo shtoi se deri në 700 mijë fëmijë ukrainas pritej të regjistroheshin në shkollat polake.
Mbi 25 mijë fëmijë ukrainas janë regjistruar në shkolla në provincën Mazowieckie qendrore-polake dhe mbi 13 mijë në Wroclaw dhe provincën përreth Dolnoslaskie në Poloninë jugperëndimore.