Kryeqyteti gjerman po zgjeron një strehë të përkohshme refugjatësh në ish-aeroportin, Tegel, për të akomoduar 3 mijë e 600 ukrainas.
Berlini ka pritur civilë të cilët së fundmi kanë ikur nga sulmet ruse në infrastrukturën jetike përpara muajve të ftohtë të dimrit të ardhshëm.
Ndërsa dy ish-terminale në aeroportin Tegel janë hapur tashmë për refugjatët ukrainas në pranverë, qeveria e shtetit të Berlinit tani po garon për të pajisur dy tenda të mëdha në pistë me ngrohje ppara dimrit, shkruan Euronews.
Po ashtu është hapur edhe një terminal i tretë për regjistrimin e ardhjeve të mëtejshme dhe janë vendosur 900 shtretër të rinj, thanë zyrtarët të mërkurën.
“Me presidentin rus Putin që synon infrastrukturën e ngrohjes dhe ujit të vendit dhe temperaturat do të zbresin së shpejti nën zero, numri i refugjatëve mund të rritet në qiell në çdo kohë”, tha Katja Kipping, senatorja e qeverisë së Berlinit për çështjet sociale.
Gjermania ka pranuar 1 milion refugjatë nga Ukraina qëkur Rusia sulmoi fqinjin e saj perëndimor pothuajse nëntë muaj më parë. Përveç kësaj, më shumë azilkërkues se në vitet e kaluara vijnë këtu nga vendet sikurse Siria dhe Afganistani.