Kryetari i Lidhjes Demokratike të Kosovës Lumir Abdixhiku, tha se populli i Kosovës ka qenë gjithmonë i bekuar me lidhjen sa të veçantë aq dhe të pazëvendësueshme me Shtetet e Bashkuara të Amerikës.
Abdixhiku në emër të anëtarësisë së Lidhjes Demokratike të Kosovës, ka uruar presidentin e 47-të të SHBA-ve, Donald J. Trump për “fitoren presidenciale në zgjedhjet amerikane”!
‘Rikthimi i Kosovës në agjendën e Washingtonit është interes nacional i popullit të Kosovës. Pa SHBA-të ecja e Kosovës si shtet i ri e në konsolidim ndërkombëtar është e pamundur! Në Qeverinë e ardhshme, këto lidhje do të rikuperohen e mirëmbahen si orientime të pandryshueshme, të pathyeshme, të pazëvendësueshme!”, ka shkruar Abdixhiku në rrjetin social Facebook.