Humbjet në fushën e betejës dhe sanksionet e kanë çuar ushtrinë e Moskës në një gjendje rënieje; megjithatë, sipas një analize të re të pavarur, forcat e Vladimir Putin kanë ende fuqi të mjaftueshme për të vazhduar konfliktin.
Një raport nga Qendra për Studime Strategjike dhe Ndërkombëtare (CSIS) thotë se pothuajse 10,000 njësi të pajisjeve kryesore ruse si tanke, kamionë, artileri dhe drone ajrore janë humbur.
Por Rusia mund të zhytet në stoqet e kohës së Luftës së Ftohtë për të kompensuar në numra atë që mund të ketë humbur në teknologjinë e përparuar.
“Cilësia e ushtrisë ruse për sa i përket pajisjeve të avancuara ka të ngjarë të bjerë, të paktën në afatin e afërt”, thotë raporti i CSIS.
“Moska vlerësohet të ketë humbur diku nga 1,845 deri në 3,511 tanke një vit pas luftës”, thotë raporti i CSIS.
Duke folur në një konferencë të djeshme, zyrtarët perëndimorë thanë se rusët “po shkonin prapa përsa i përket pajisjeve”, duke theksuar se tanket T-55, të prezantuara në vitin 1948, tani po shfaqen në fushën e betejës.
Megjithatë, raporti thotë se Rusia ka ende avantazhe numerike ndaj Ukrainës në pothuajse çdo aspekt, duke thënë: “Aftësitë ushtarake të Rusisë ende janë shumë më të mëdha se ato të Ukrainës në shumicën e treguesve, duke përfshirë fuqinë njerëzore, ajrore, tokësore dhe detare”./UBTNews/