Aktivistja e klimës Greta Thunberg u arrestua në Gjermani pasi ajo së bashku me aktivistë të tjerë të klimës, po protestonin kundër shkatërrimit të një fshati për t’i hapur rrugë një miniere qymyri.
Thunberg po protestonte në një minierë qymyri në Garzweiler, që ndodhet rreth 5.6 milje larg fshatit Luetzerath. Për zgjerimin e minierës së qymyrit, fshati po rrafshohej, gjë që shkaktoi një protestë në lokal.
Grupi u ndalua nga policia, megjithëse Thunberg u lirua më vonë pas një kontrolli identiteti nga autoriteti, transmeton UBT News.
Megjithatë, një video nga prapaskenat që shfaq aktivisten 20-vjeçare duke buzëqeshur pasi u ndalua, po bën xhiron e internetit, ku njerëzit e cilësojnë arrestimin si një marifet publicitar.
A behind the scenes look at the new Greta Thunberg arrest propaganda video . Playing now on social media everywhere. pic.twitter.com/ZhXZumDddt
— Erik Hanchosky (@HanchoskyErik) January 17, 2023
Në videon tashmë virale, Thunberg mund të shihet duke buzëqeshur dhe duke pozuar me policinë gjermane ndërsa kameramani i shkrep foto asaj. Ajo gjithashtu mund të shihet duke qeshur dhe duke tundur kokën në një moment, ndoshta duke treguar jo për një pyetje, ndoshta të një oficeri.
Përdoruesit e internetit u tronditën pasi u shfaq kjo video, duke kritikuar arrestimin e Thunberg “një marifet publiciteti” i bërë vetëm për vëmendje.
Shumë të tjerë e kritikuan Thunberg për një çante Nike, e cila ishte prodhuar në Kinë. Pjesa tjetër i bënte pyetje se sa u pagua për këtë veprim!/UBTNews/