Kafeja është një pije kaq e popullarizuar saqë nivelet e konsumit të saj vijnë të dytët pas ujit në disa vende.
Përveçse ju ndihmon të ndiheni më pak të lodhur dhe më vigjilent, kafeina në kafe mund të përmirësojë gjendjen shpirtërore, funksionin e trurit dhe performancën e stërvitjes. Gjithashtu mund të rrisë humbjen e peshës dhe të mbrojë kundër sëmundjeve si diabeti i tipit 2, Alzheimer dhe sëmundjet e zemrës.
Shumë njerëz kënaqen duke pirë kafe si gjënë e parë në mëngjes. Megjithatë, disa njerëz pohojnë se të pish kafe me stomak bosh mund të dëmtojë shëndetin tuaj.
A shkakton probleme me tretjen?
Hulumtimet tregojnë se hidhërimi i kafesë mund të stimulojë prodhimin e acidit në stomak ndaj si e tillë, shumë njerëz besojnë se kafja irriton stomakun tuaj, përkeqëson simptomat e çrregullimeve të zorrëve si sindroma e zorrëve të irritueshme (IBS) dhe shkakton urth, ulcera, nauze, refluks acid dhe dispepsi.
Disa sugjerojnë që pirja e kafesë me stomak bosh është veçanërisht e dëmshme pasi nuk ka ushqim tjetër të pranishëm për të parandaluar që acidi të dëmtojë mukozën e stomakut tuaj.
Megjithatë, studimi nuk arrin të gjejë një lidhje të fortë midis kafesë dhe problemeve të tretjes – pavarësisht nëse e pini atë me stomak bosh.
Megjithë mitet e vazhdueshme, pak prova shkencore sugjerojnë se pirja e kafesë me stomak bosh është e dëmshme. Përkundrazi, ka të ngjarë të ketë të njëjtat efekte në trupin tuaj pavarësisht se si e konsumoni atë.
Sidoqoftë, nëse keni probleme me tretjen kur pini kafe me stomak bosh, provoni ta pini atë me ushqim. Nëse vëreni një përmirësim, mund të jetë mirë të rregulloni rutinën tuaj në përputhje me rrethanat.