Lufta e Rusisë në Ukrainë ka pasur një ndikim shkatërrues në infrastrukturën e energjisë së rinovueshme të vendit, sipas zëvendësministres së parë të Punëve të Jashtme të Ukrainës, Emine Dzheppar.
Dzheppar postoi në Twitter se 90% e infrastrukturës së energjisë së erës të Ukrainës dhe midis 40% deri në 50% e infrastrukturës së saj të energjisë diellore është shkatërruar.
“Rusia vazhdon të terrorizojë ukrainasit dhe është e sigurt që të krijojë krizë energjetike në vendin tonë”, tha Dzheppar, duke u bërë thirrje vendeve aleate të ndihmojnë në mbrojtjen e qiejve të Ukrainës.
Energjia diellore dhe e erës përbënin 7% të konsumit të energjisë në Ukrainë në vitin 2021, sipas TEK, një kompani tregtare ukrainase e energjisë. Ministria e Energjisë e Ukrainës nuk jep aktualisht një ndarje të burimeve të konsumit të energjisë në vend për shkak të kufizimeve të ligjit ushtarak./UBTNews/