Në komunën e Gjilanit janë aktualisht 733 raste aktive me COVID-19, 106 prej tyre në hospitalizim.
Drejtori i Shëndetësisë në komunën e Gjilanit, Selami Xhemaili ka apeluar qytetarët dhe bizneset që japin shërbime që të vazhdojnë t’i respektojnë masat, mbajtjen e maskës dhe mbajtjen e distancës sociale.
Që nga fillimi i pandemisë në Gjilan janë testuar 17 mijë e 388 mostra, prej të cilave rezultuan 4 mijë e 936 raste pozitive me COVID-19, 4 mijë e 80 persona janë shëruar, 123 persona kanë vdekur, raste aktive janë 733, të hospitalizuar me COVID janë 106 persona dhe 93 mostra në pritje për rezultat./UBTNews