Një aksident i rëndë rrugor është regjistruar mesditën e së hënës në Prishtinë, ku për pasojë 5 persona kanë mbetur të lënduar.
Sipas policisë, aksidenti ka ndodhur në “rrugën B” të kryeqytetit dhe në të janë përfshirë 4 makina, të cilat pas përplasjes kanë dëmtuar dhe 3 mjete të tjera të parkuara në anë të rrugës.
Personat e lënduar janë dërguar në spital, teksa vijojnë hetimet për zbardhjen e shkaqeve të këtij aksidenti.