Ushtruesja e detyrës së ministres së Shëndetësisë, Dafina Gexha-Bunjaku sot ka vizituar Klinikën e Onkologjisë në Qendrën Klinike Universitare të Kosovës (QKUK).
Gexha-Bunjaku ka ofruar mbështetje për këtë klinikë me qëllim të ofrimit të shërbimeve sa më cilësore për pacientët e prekur nga kanceri.
Sipas saj, në nëntëmujorin e vitit 2021, 400 gra mbi moshën 50-vjeçare kanë marrë trajtim të onkologjisë, derisa kanë pasur prioritet në vaksinimin antiCOVID.
U.d e ministres së Shëndetësisë tha se janë duke bërë përpjekje për plotësimin e listës esenciale ndonëse buxheti për këtë vit ka qenë i ulët.
Drejtori i SHSKUK-së, Valbon Krasniqi tha se nga java e ardhshme për shkak të kushteve pandemike më të mira do të nisë shërbimi për mamograf mobil në komunat qe kanë mungesë të kësaj pajisje.
Drejtori i Klinikës Infektive, Ilir Kurtishaj tha se vetëm në këtë nëntëmujor me kancer të gjirit janë identifikuar 300 paciente që i takojnë moshës mbi 50-vjeçare. Ndërsa, shtoi se aktualisht nga e premtja po mungojnë disa citostatikë për çka deklaroi se brenda këtyre ditëve do të furnizohen nga barnatorja qendrore.