Rreth 270 mijë apartamente në Kiev mbeten pa energji elektrike pas sulmeve me raketa të Rusisë më herët të hënën, thotë kryebashkiaku i Kievit, Vitali Klitschko, duke shtuar se 40% e konsumatorëve të kryeqytetit mbeten pa furnizim me ujë.
Furnizimi me ujë në bregun lindor të qytetit ishte rivendosur dhe puna e restaurimit për bregun e djathtë (perëndimor) të kryeqytetit është ende duke u zhvilluar, tha Klitschko në Telegram.
“Inxhinierët e energjisë planifikojnë të stabilizojnë situatën me furnizimin me energji elektrike rreth orës 21-22”, tha Klitschko. “Por edhe pas rifillimit të furnizimit me energji elektrike, ndërprerjet e rrymës do të vazhdojnë. Sepse situata është e vështirë”.
Klitschko tha se për të kursyer energjinë elektrike, intervalet midis trenave të metrosë do të jenë më të gjata, duke filluar nga e marta./UBTNews/