31 foshnje janë evakuuar nga spitali Al-Shifa në Gaza të dielën. Shoqata e Gjysmëhënës së Kuqe të Palestinës (PCRS) tha se ka punuar me disa organizata të tjera për të transportuar foshnjat në Maternitetin Al-Helal Al-Emirati në jug të Gazës dhe një burim i qeverisë egjiptiane i tha CNN-it se foshnjat do të transportohen në Egjipt të hënën.
Ushtria izraelite pretendon se spitali Al-Shifa po përdoret nga Hamasi si mburojë për operacionet e tij dhe bastisi spitalin të mërkurën e kaluar. Hamasi dhe zyrtarët e spitalit i kanë mohuar deklaratat e Izraelit./UBTNews/