Rreth 30,000 njerëz në veri të Anglisë dhe Skocisë janë ende pa energji elektrike pas stuhisë Arwen, përcjell UBT News.
Erërat e forta kanë sjellë borë, akull dhe ndërprerje të rënda në infrastrukturën e Mbretërisë së Bashkuar këtë javë, kurse tre persona kanë humbur jetën.
Arwen, një nga stuhitë më të fuqishme në dekada, fillimisht ndërpreu energjinë për qindra mijëra njerëz me erëra deri në 160 km/h.
Sekretari i Biznesit në Mbretërinë e Bashkuar, Kwasi Kwarteng i tha Parlamentit se pothuajse 1 milion njerëzve, ose rreth 95% e të prekurve, u është rikthyer energjia. Por rreth 30,000 ishin ende pa energji të mërkurën, pesë ditë pas goditjes së parë të stuhisë.
Kwarteng tha se vendi duhej të përgatitej për mot më ekstrem për shkak të ndryshimeve klimatike./UBTNews/