Tre persona kanë pësuar lëndime si pasojë e një aksidenti zinxhiror sonte në rrugën Fushë Kosovë-Prishtinë.
Zëdhënësja e policisë rajonale për Prishtinë Flora Ahmeti ka bërë të ditur, se në këtë aksident kishin qenë të përfshira pesë vetura.
“Rreth orës 20:30 kemi pranuar informatën se në rrugën Fushë Kosovë – Prishtinë, ka ndodhur një aksident trafiku, në të cilin kanë qenë të përfshira pesë automjete. Si pasojë e aksidentit, lëndime trupore kanë pësuar tre persona. Me rastin po merret hetuesia nga njësiti i trafikut rrugor”, ka thënë ajo./UBTnews/