Sot shënohen 27 vjet nga rënia heroike e gjeneral Adrian Krasniqi, njëri nga dëshmorët më të njohur të kombit shqiptar. Ai u ra gjatë një sulmi të Ushtrisë Çlirimtare të Kosovës (UÇK) në stacionin e policisë serbe në Kliçinë, në afërsi të Pejës, e cila ishte një pikë strategjike për forcat policore dhe ushtarake serbe.
Adrian Krasniqi, i lindur më 11 tetor 1972, ishte ushtari i parë që ra në luftë me uniformën e UÇK-së. Ai kishte ndjekur studimet në Fakultetin Ekonomik të Universitetit të Prishtinës dhe ishte pjesë e njërit nga celulat e para të UÇK-së, ku mbante gradën e komandantit të logjistikës në Shtabin e Përgjithshëm të UÇK-së. Pas vdekjes, ai u nderua me gradën gjeneralmajor.
Si një nga luftëtarët më të guximshëm, Adrian Krasniqi dha një kontribut të rëndësishëm në luftën për çlirimin e Kosovës, në një kohë kur regjimi serb kishte vendosur një okupim gati 90-vjeçar, duke mohuar të drejtat themelore njerëzore të shqiptarëve. Kontributi i tij dhe i shumë të tjerëve rezultoi me çlirimin e Kosovës më 12 qershor 1999.
Me rastin e përkujtimeve, Policia serbe ka publikuar një video të sulmit të UÇK-së, duke përkujtuar ngjarjet e atyre kohëve të vështira. Sot, komuniteti dhe institucionet e Kosovës nderojnë kujtimin e Adrian Krasniqit dhe të gjithë dëshmorëve që dhanë jetën për lirinë e vendit./UBTNews/