Sot bëhen 27 vjet nga fillimi i tërheqjes së forcave ushtarake dhe paramilitare serbe nga Kosova, ngjarje që shënoi fundin e pushtimit serb dhe hapjen e rrugës drejt lirisë së vendit.
Tërheqja erdhi pas Marrëveshjes së Kumanovës, e nënshkruar më 9 qershor 1999, pas 78 ditësh bombardime të NATO-s dhe rezistencës së Ushtrisë Çlirimtare të Kosovës.
Sulmet ajrore u ndërprenë më 10 qershor, pasi NATO konfirmoi nisjen e tërheqjes së plotë të forcave serbe nga Kosova.
Pas kësaj, në Kosovë hynë trupat e KFOR-it dhe nisi administrimi ndërkombëtar nga UNMIK-u, i cili vazhdoi deri në shpalljen e pavarësisë së Kosovës më 17 shkurt 2008./A.K/