Brenda 24 orëve të fundit në Kosovë janë regjistruar 26 raste të reja me COVID-19, ndërsa nuk ka viktima.
Sipas raportit të Ministrisë së Shëndetësisë në Kosovë janë shëruar edhe 32 pacientë, kurse numri i rasteve aktive është 544.
Në 24 orët e fundit janë dhënë 169 doza të vaksinës kundër COVID-19, ndërsa prej fillimit të vaksinimit në të gjitha qytetet e Kosovës janë dhënë 1 milion e 823 mijë e 443 doza të vaksinës.
Deri më sot 820 mijë e 972 qytetarë janë vaksinuar me dozën e dytë, si dhe janë dhënë 100 mijë e 506 doza përforcuese dhe doza të treta të vaksinës kundër COVID-19./UBTNews/
