Për t’i shtyrë qytetarët të vaksinohen sa më shumë, në Karolinë të Veriut, çdo i vaksinuar do t’i marrë nga 25 dollarë. Kështu u tha në njoftimin e Departamentit për Shëndetësi dhe Shërbime Njerëzore të Karolinës së Veriut. Ky stimulim i qytetarëve do të fillojë nga e mërkura (26 maj) deri më 8 qershor.
Sipas njoftimit, shpërndarja e këtyre të hollave do të bëhet në qendrat e vaksinimit në Mecklenburg, Guilford, Rowan dhe Rockingham. Të hollat vlejnë vetëm për dozat e para të vaksinës.
52.2% e të rriturve në Karolinë të Veriut kanë marrë së paku një dozë të vaksinës, përderisa 47.4% e të rriturve janë vaksinuar plotësisht. Karolina e Veriut ka regjistruar 12 mijë e 958 raste të vdekjes si pasojë e COVID-19./UBTNews