15 persona janë qëlluar për vdekje dhe dhjetëra të tjerë janë plagosur në një sulm në mauzoleumin e Shah Cheragh në qytetin iranian të Shirazit, thotë agjencia shtetërore e lajmeve Irna.
Sipas raportimeve në media, tre persona qëlluan drejt pelegrinëve dhe stafit në hyrje të tempullit mysliman shiit dhe dy prej tyre janë arrestuar nga policia.
Grupi militant i Shtetit Islamik (IS) e mori përgjegjësinë për sulmin. Edhe media shtetërore raportoi se “terroristët tekfiri” – një emërtim që Teherani e përdor për militantët myslimanë sunitë si IS, janë përgjegjës për sulmin./UBTNews/