Në 24 orët e fundit në Kosovë janë regjistruar 14 raste pozitive me COVID-19. Ministria e Shëndetësisë njoftoi se rastet e reja rezultuan nga 1 mijë e 696 testime, kurse nuk u shënua asnjë rast i vdekjes.
Brenda 24 orëve të fundit u shëruan 17 pacientë, kurse numri i rasteve aktive është 444.
Në Kosovë janë konfirmuar edhe 12 raste pozitive me variantin Delta Plus. Ministria e Shëndetësisë ka njoftuar se nga 70 mostra të dërguara për analiza në Gjermani, 12 prej tyre kanë rezultuar me variantin Delta Plus, ndërsa 47 me variantin Delta./UBTNews