Pasi grupi haktivist rus Killnet lëshoi një kërcënim për 49 faqe interneti të udhëtimit ajror me bazë në SHBA, ku 13 prej tyre shkuan offline të hënën për të parandaluar sulmin, sipas Kevin Collier nga NBC.
Midis tyre ishin Hartsfield-Jackson International në Atlanta dhe Aeroporti Ndërkombëtar i Los Angeles, që janë dy aeroportet më të ngarkuara në SHBA.
Veprimet parandaluese u morën pasi Killnet lëshoi një kërcënim në kanalin e tyre Telegram. Grupi kishte shënjestruar disa uebsajte shtetërore amerikane javën e kaluar, duke rrëzuar me sukses ato të Kolorados për më shumë se një ditë dhe duke ndërprerë atë të Kentakit për një kohë të shkurtër.
Më tej u raportua se operacionet e aeroportit nuk u ndikuan nga uebsajtet që dolën jashtë linje dhe ishte vetëm një veprim parandalues.
Një zëdhënës i aeroportit ndërkombëtar të Los Angeles konfirmoi për NBC përmes emailit se uebsajti flylax.com u prek shkurtimisht për shkak të sulmit.
Grupi rus i hakerëve Killnet është i specializuar në formën e sulmeve kibernetike të quajtura Mohimi i Shpërndarë i Shërbimit (DDS) në të cilin serverët e faqeve të internetit të synuara janë të mbingarkuar me trafik masiv të krijuar artificialisht.
Sulmi rezulton në mosfunksionimin e faqeve të internetit dhe shpesh i shkëput ato jashtë linje për disa ditë./UBTNews/